غربـة الـروح

غربـة الـروح

غربـة الـروح


البارحه ليلـي هجـد صمتـه البـوح
وقامت تقـادح بالضميـر الطـواري

وسهرت اسامر هاجس اليأس والنوح
ومن الضلوع العـوج شبيّـت نـاري

كلي قصيد وحزن وآمال ومزوح
وأحـلام هددهـا الزمـن بأندثـاري

قلت ابتدا ليل القهر وابعد الضـوح
وصبـح السعد مالـه بعينـي مـواري

تجبرني الفرقا على البوح وأبـوح
ويسريبي الهاجوس مع كـل طـاري

عافت مصابيح الفرج ليل مشفـوح!
أخفى الزمن صبح الفرج من نهـاري

خوفي يرافق خطوتي وين مـاروح
والصبـر طـال وبهذلتـه المسـاري

عشت الخيـال بواقـعٍ كلـه جـروح
وتشابهـت كـل الـدروب بمسـاري

الغربه اللي داخلي غربـة الـروح !
أحس بالغربه وانـا وسـط داري

شح الزمان اللي ترك قلب مجـروح
ودنيا ي مـاردت علـيّ اعتـبـاري

دنيا يعيش بها من الناس سلتـوح؟؟
مايوجعـه كثـر العتـب والمـزاري

ولى الوفي وجهه من الوقت ملفـوح؟
دايم على صكـات الايـام ضـاري!

وين انت ياوجهٍ له القلب مفتـوح !؟
مثلـك يقـدّر وقفتـي .. وانكسـاري

يوم اختلط ليلي هواجيس وجروح
جيتك على حـذف المقابيـس سـاري

هاك المشاعر جت على ذمة البـوح؟
في وقت من صدق الأحاسيس عاري!

ياسمينة معجب بهذا

المصدر: منتديات يلوموني فيك

---

yvfJm hgJv,p

ما أقسى غربة الروح..

الوردة الجميلة

سلمت الأنامل على القصيدة الرائعةبكل معانيها ..

ياسمينه
الف شكر لك على روعة مرووورك
ويسعدك ربي على جمال مرورك بمتصفحي يالرائع